Duket si e dalë mode por fotot e çastit vijojnë të pëlqehen endr nga njerzit. Ky është Hekuran Hoxha nga Pogradeci i cili prej gati 30 vitesh iu shkrep vizitorëve fotoçasti në zonën turistike Drilon-Tushemisht. Prej 30 vitesh ai vjen çdi ditë me biçikletë këtu dhe shkrep fotografk. Hekurani thotë se teknologjia e smartfonave apo aparatëve dixhitalë nuk e ka mposhtur, kjo pasi shërbimi që ai u ofron njerzve është në moment.
“Unë kam që në vitin 92′ dhe sot e kësaj dite vijoj të vij në Drilon. Këtu vijnë shumë turistë nga rrethe të tjera, Durrës, Vlorë, Sarandë etj. Unë bëj gjithmonë fotografi çasti. Aparatin e kam blerë në Tiranë që në 90′ dhe vazhdoj të punoj po me atë aparat.
Njerëzit i pëlqejnë shumë, bëjnë edhe me celular, por janë raste të rralla, ndërsa me fotoçast e bën dhe e merr direkt në dorë, nuk rri të presë. Njeriu duhet të merret me diçka dhe unë zgjodha të merrem me fotografi, vij çdo ditë këtu me biçikletë.”
Edhe pse i thyer në moshë dhe prej 30 vitesh këtë punë e ka rutinë të përditshme, Hekurani nuk heq dorë, deri sa të kem frymë do më jem këtu thotë ai.
“Unë do vazhdoj të bëj fotoçasti deri sa të jem në gjendje, kur mos jem më në gjendje pastaj dihet, por unë do vazhdoj. Të pyesin ku ke vajtur? Në Drilon, ke bërë fotoçasti? Nëse nuk ke bërë fotoçasti mos thuaj që ke shkuar në Drilon”.
Nuk e ka parë kurri si diçka fitimprurëse më shumë sesa të merret me atë që e ka pasion, e sadoqë teknologjia ta sfidojë ai do vijojë të jetë këtu, për të shkrepur fotoçasti.
