Pastor Platori, njeriu i thjeshtë me vepra të jashtëzakonshme
Një nga fjalitë që vuri në dukje thjeshtësinë e Barack Obamës ishte teksa ai shprehej; “Kushdo ka vlerë, senatori i ulur në Shtëpinë e Bardhë apo punëtori më i thjeshtë në fund të Amerikës”.
Në fakt, në Shqipëri jemi mësuar të shohim shpesh në televizione njerëz të suksesshëm, njerëz që reklamojnë punën e tyre, që mbase njihen si të tillë vetëm për opinionet që kanë dhe në të shumtat e rasteve harrojmë të suksesshmit e vërtetë.
Ata që janë pranë komunitetit, ata që ndryshojnë jetët e njerëzve edhe kontribuojnë në mirëqenien e tyre.
I tillë është rasti i Plator Collakut, një njeriu të thjeshtë nga Maliqi, i cili prej 30 vitesh shërben në Kishën Ungjillore Libonik (sot kjo kishë ka mbjellë mbi 8 kisha të tjera), drejtues fondacioni dhe drejtues i projekteve humanitare në kohët e krizave në Shqipëri, ai ajo e pandemise.
Plator Collakun nuk e shohim në televizion, në fakt nuk e shohim as nëpër fronet e njerëzve të rëndësishëm të qarkut, për shkak të modestisë të tij.
Pastor Platori ka qenë njeriu inicator për ndërtimin të me shume se 10 shtëpive për familjet e varfëra ndërkohë që janë rikonstrukstuar me shume se 20 të tjera, duke i kthyer në gjendje të banueshme.
Por çfarë është me e rëndësishme?
Të qënit afër të rinjve, problemeve të tyre për shkak, siç thotë dhe ai, besimit në Zot.
Teksa Kolibri.al e pyet se a ndihet krenar për gjithçka ka bërë për komunitetin përreth ai tregon se nuk është puna e tij por puna e Zotit dhe dashuria e tij për Shqipërinë.
Nuk duhet mohuar se edhe institucionet lokale e kanë vlerësuar, duke i dhënë dhe titullin e rëndësishëm si qytetar nderi, edhe pse titullin më kryesor ta japin njerëzit, nëpërmjet respektit të tyre.
