Historia prekëse e vajzës nga Korça, shkoi te dhuronte gjak por zbuloi se ishte më leuçemi.
Shkoi të dhuronte gjak, të bënte nje vepër humane, të ndihmonte bashkëmoshatarët e saj por aty jeta e saj do të merrte kthesën.
Darda Dhimo, 19 vjeçarja nga Korça është mbase shembulli më i mirë sesi adoleshtentet duhet të jetojnë jetën e tyre. Mjekët u alarmuan ndërkohë që familja e saj besimtare u ul në gjunjë dhe i lutej Zotit për të shpëtuar vajzën e tyre.
Darda u dërgua drejt Selanikut nëpërmjet ndihmës së organizatave fetare ndërkohë që reagimi i qytetarëve korçar ditën e djeshme është prekës.
“Askush s’lufton i vetëm” ishte pedalimi që me dhjetra qytetarë korçarë bënë në mbështetje të Dardës duke ngritur e fonde për kurimin e saj. Një kurim i shtrenjtë por mesa duket lutja e prindit dëgjohet nga Zoti
Ky është rasti kur një vajzë e vogël vazhdon të dojë jetën e të shpresoje se kjo ishte vetëm një ëndërr e keqe ndërkohë që qytetarët korçare tregohen humanë dhe denjësisht qytetarë, aq sa munden, mbi biçikletë, me bluzën e veshur ne nderim të Dardës, japin mesazhin se shumë njerëz mund të bëjnë shumëçka për dikë që sot duhet të jetojë. Jo vetëm për Dardën por që adoleshentët të kenë një shembull të gjallë sesi dashurohet jeta, dhe në të tilla vështirësi
PS; Kushdo që do të dhurojë për Dardën mund të kontribuojë në llogarinë bankare të ngritur nga familjarët e saj në këtë link.
https://www.givesendgo.com/TreatmentforDarda?utm_source=whatsapp&fbclid=IwAR2p6yKVu0nXqBpZ_Rsv_UqrHJBCm0ScJgj2Jvd80hYqHY3p_UdkvvBMWtI
