Rexhep Erdogan ka fituar balotazhin me rivalin Kilicdaroglu, duke u zgjedhur sërish President.Sipas autoriteteve turke, Erdogan ka marrë 52.12 % të votave në këtë raund të dytë të votimeve, ndërsa Kilicdaroglu me 47.88% të votave.Ndërkohë, në Stamboll ka nisur festa. Mbështetësit e Erdoganit kanë dalë në rrugë duke festuar. Jashtë selisë së partisë së tij AK, janë mbledhur simpatizantët duke shkaktuar kaos në trafik.I pari lider europian që ka uruar Erdoganin për rizgjedhjen si President ka qenë Kryeministri i Hungarisë, Orban. Edhe Emiri i Katarit uroi Erdogan përmes një postimi në Twitter. Erdogan qëndron në pushtet prej 20 vitesh, ndërsa President është zgjedhur 3 herë. Mandati presidencial në Turqi është 5-vjeçar.
