Pas rezultatit të zgjedhjeve vendore për Bashkinë e Pogradecit reagon kandidati demokrat përmes një statusi në facebook ku ndihet shumë i zhgënjyer nga rezultati që doli.
Të dashur miq, të nderuar bashkëqytetarët e mi që besuat dhe votuat për mua më 14 maj.
Ju falenderoj me përulësi që votuat për ndryshimin, për shpresën.
Ndihem i keqardhur për ata që u blenë dhe nuk votuan për ndryshimin, u gënjyen lehtë nga hijet e natës dhe rane pre e presionit nga administrata shtetërore dhe nga të korruptuarit.
Njëkohësisht ndihem i keqardhur dhe për ata mbi 10.000 votues të opozitës që nuk morën pjesë në votime për ndryshimin, dhe ranë pre e presioneve nga administrata për mosmarrje pjesë në votime dhe për të mos bërë të mundur këtë ndryshim të shumëkërkuar nga vete qytetarët.
Dhe pse puna e bashkisë vlente për të dëshiruar, një bashki që ska qenë asnjëherë në shërbimin tuaj gjë që e keni shprehur në të gjitha takimet që kemi pasur sëbashku.
Për të mirën e qytetit, për të mirën e brezit të ardhshëm, për mos humbjen e shpresës duhet të mos mashtrohemi dhe gënjehemi me pagesa apo trysni të momentit, por të mendojmë për vitet e mëtejshme se vota ka më shumë vlerë për dinjitetin tuaj sesa joshja e momentit.
E mora përsipër këtë rrugëtim me zemër dhe me dinjitet r t’ju shërbyer dhe për t’ju ardhur në ndihmë sa më shumë. Më vjen keq që kjo nuk u realizua për shkaqet e sipërpërmendura, por rrugëtimi jonë nuk mbaron këtu.
Duhet të mbështetemi dhe të besojmë tek njëri-tjetri për të arritur lirinë e munguar.
Miqësisht, Zini Tollozhina!“- ka shkruar Tollozhina.
