Ditën e sotme ka ndodhur aksident në qytetin e Ersekës. Dy automjete janë përplasur duke lënduar dhe pasagjerët që ishin në automjet. Pas kryerjes së testit të alkoolit rezultoi se njëri prej drejtuesëve të automjetit ishte në gjendje të dehur.
Ja deklarata e Policisë;
DVP Korçë/Vihet në pranga 1 shtetas për veprën penale të drejtimit të automjetit në gjendje të dehur, plagos dhe pasagjerët
Specialistët e Trafikut Urban dhe Interurban të DVP Korçë, arrestuan në flagrancë shtetasin Xh. J., 30 vjeç, banues në Ersekë, Kolonjë, pasi në qytetin e Ersekës, ky shtetas duke drejtuar automjetin tip “Nissan”, është përplasur me automjetin tip “Volkswagen” me drejtues shtetasin N. L., 66 vjeç banues në Ersekë.
Për pasojë janë dëmtuar lehtë shtetasi N. L., dhe një pasagjer që udhëtonte në automjetin e tij. Pas kryerjes së testit të alkoolit rezultoi se 30-vjeçari drejtonte automjetin, në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
