Policia e Lushnjës ka ndaluar ditën e sotme 8 shtetas sirianë të cilët ishin strehuar në një banesë dykatëshe të braktisur në Golem, në aksin nacional Lushnjë -Rrogozhinë. Konkretisht në banesë fshiheshin 4 femra dhe 4 meshkuj, të gjithë në gjendje të mirë shëndetësore.
Ndërkohë janë shpallur në kërkim personat të cilët ju dërgonin ushqime. Ata janë larguar menjëherë në drejtim të paditur, duke braktisur automjetin sapo kanë vënë re prezencën e uniformave blu.
Kapet nga Policia e Lushnjës Kristian Engjëll Plaku, banues Maliq, Korçë.
Personi që kishte fshehur sirianët është ndjekur për 1 km me vrap nga policia në përpjekje për t’u fshehur. Mësohet se ky person është dënuar edhe nga Gjykata e Vlorës më përpara për vepën penale të trafikimit të qenieve njerëzore.
Informacioni drejt Policisë së Lushnjës kishin disa ditë që kishin mbërritur për fshehjen e disa klandestinëve në Lushnjë, por vendi i tyre u gjet rreth orës 13:00 të ditës së mërkurë.
