Ilir Proda, drejtori aktual i Drejtorisë së Policisë së Elbasan përflitet se do të jetë i besuari i ardhshëm i ministrit të ri brendshëm Ervin Hoxha dhe kryeministrit Edi Rama.
Është pikërisht Proda me një eksperiencë shumë vjeçare në radhët e policisë së shtetit, ai i cili pritet të mbajë këtë post të rëndësishëm të drejtorit të Drejtorisë së Përgjithshme të Policisë së Shtetit, një post i lënë bosh pas dorëheqjes së ish-drejtorit Muhamet Rrumbullaku.
Ilir Proda ka pasur disa poste drejtuese në radhët e policisë së shtetit, duke përfshirë edhe atë të zëvendës drejtorit të policisë së Korçës, e duke lënë pas një eksperiencë pozitive në polici.
Nga korridoret e Ministrisë së Brendshme bëhet me dije se pikërisht Proda plotëson gjithë kriteret dhe kushtet që ministri Hoxha ka vendosur për postin e drejtorit të përgjithshëm.
Gjithsesi vula dhe firma do të vendoset ditën e premte.
