“Nuk mund të miraroheshin ndryshimet në kodin zgjedhor nëse nuk do të kishim edhe votat e opozitës, pavarësisht debatave arritëm në dakordësi dhe siç e keni ndjekur, pothuajse me konsesus u arrit të miratohej paketa e kodit zgjedhor. Janë shumë të rëndësishme, vota e diasporës ishte sanksionuar me kodin aktual me ndryshimet e vitit të kaluar dhe këto ndryshime e bëjnë votën edhe më të mundshme për bashkëatdhetarët tanë përtej kontitentit.
E para lidhet me afatet ndaj thashë që janë të favorizuar zgjedhësit tanë përtej kontinentit, sepse me afatet e kaluara në kodin zgjedhor, ngeleshin pak ditë në dispozicion për ta prodhuar fletën e votimit për ta dërguar e kthyer pas, rrerh 25 ditë, tani u shtua edhe me 10 ditë të tjera, kohë e mjaftueshme kjo për ta çuar fletën e votimit në adresën përkatëse në Europë apo përtej saj e për tu kthyer mbrapsht. Është një proces që i vështirë pasi postieri duhet të gjejë këdo atje, por tashmë me shtyrjen e afatit është e mundshme që kushdo të votojë diaspora në të gjithë globin. Falas, edhe kthimi është e stacionuar në kodin zgjedhor, pra praktikisht kosto është zero, duhet vetëm vullneti i regjistrimit tani, ndaj shfrytëzoj tiu bëj thirrje edhe atyre që ende nuk janë regjistruar të regjistrohen deri në 4 Mars në mënyrë që të kenë mundësinë të votojnë me postë. Ndryshimi tjetër ka të bëjë me kompozimin, kërkoi opozita që kompozimi të ishte bipartizan, kompozimi i komisionit të numërimit pranë KQZ, ku mblidhen dhe numërohen votat e diasporës e më pas llogariten në kutitë e qarkut përkatës.
-A do të votojnë emigrantët që nuk kanë kartë apo pasaportë shqiptare?
“Jo, me ndryshimet e kodit, nuk është parashikuar diçka e tillë, opozita e ka ngritur këtë çështje, por ne nuk jemi kundër votës së çdo shqiptari kudo që ndodhen, një pjesë e vogël 7-8% rezultojnë të jenë të papajisur me dokument biometrik shqiptar, është pa mundur të identifikohet një kartë identiteti dhe të shërbejë si mjet ID për të votuar në Shqipëri. Për shkak se KQZ nuk ka gjithë databazën e gjendjes civile në të gjithë botën, pra për këtë arsye kjo ishte e pamundur”.
-Po sa i përket regjistrimit të partive, koalicioneve zgjedhore?
“Unë fola për kohën në dispozicion për postën por ajo kohë krijohet nga afrimi i afatit për depozitimin e listës së kandidatëve, nga 50 ditë para zgjedhjeve tani është bërë 60 ditë para zgjedhjeve, partitë politike duhet të depozitojnë listën e kandidatëve për deputet, pra deri në 12 Mars.
-Nisur nga situata politike, a do të ketë zgjedhje në 11 Maj?
“Është totalisht spekulative të lidhësh ngjarjet me zgjedhjet, ato janë procesi kulmor demokracisë funksionale, demokracisë në veprim në një vend. Asgjë nuk mund të cënojë datën e zgjedhjeve, pra zgjedhjet janë në 11 Maj, ftoj gjithë shqiptarët kudo që ndodhen këtu apo në diasporë, të votojnë, padyshim Partia Socialiste është për të votuar dhe vazhduar programin ambicioz qeverisës” përfundoi Peleshi.
