Heroi i ndeshjes Shqipëri-Moldavi/Goli më i rëndësishëm i karrierës timeJasir Asani shënoi golin e parë në fitoren 2 me 0 ndaj Moldavisë, por gjithashtu i pari për të me kombëtaren kuqezi.
Në një intevistë pas ndeshjes, Asani tha se ky është goli më i rëndësishëm i karrierës së tij deri më tani.
“Është hera e dytë që po vij me kombëtaren. Gjithë çunat kanë dhënë maksimumin sot. Jam i lumtur edhe për golin dhe për ekipin që po arrin objektivat. Tani do fokusohemi për ndeshjen e radhës.
Është goli më i rëndësishëm në karrierën time deri tani. Goli i parë me kombëtaren do e mbaj mend gjithmonë sepse është një gol shumë i rëndësishëm për mua.
Duhet akoma më shumë të ndihmoj ekipin me gola, duhet të vazhdojmë ditë për ditë të punojmë fort dhe të arrijmë objektivat. Duhet më shumë punë që të arrijmë qëllimet dhe objektivat”, u shpreh Asani.
