Jeff Bezos, themeluesi i Amazon, është i njohur për jetën e tij luksoze.
Ndryshe nga konkurrentët e tij si Elon Musk apo Bill Gates që jetojnë një jetë modeste dhe të profilit të ulët Jeff Bezos po e bën jetën si t’i dojë qejfi… dhe kush mund t’i kërkojë llogari?
Një nga simbolet e pasurisë së tij të jashtëzakonshme është padyshim superjahti i tij me vlerë 500 milionë dollarë.
Ai shihet shpesh në destinacione të ndryshme luksoze nëpër botë, kryesisht në ujërat evropiane, veçanërisht në Mesdhe.
Jahti është një kryevepër e inxhinierisë moderne.
Ambientet e brendshme janë realizuar me materiale cilësore, duke ofruar një estetikë fantastike.
Në jaht gjenden pishinë, palestër, SPA dhe një sauna, si dhe një platformë uljeje për helikopterin, jet ski dhe një mini nëndetëse për të dalë nën ujë.
Mbajtja e tij në det kushton 25 milionë dollarë në vit, e ndarë si më poshtë:
Ekuipazhi përbëhet nga 36 anëtarë .
Mirëmbajtja, duke përfshirë riparimet mund të arrijë në dhjetëra miliona dollarë.
Furnizimi me karburant kushton 500,000 dollarë.
Tarifat e ankorimit në vende ekskluzive mund të arrijnë në qindra mijëra dollarë në vit.
Funksionimi i objekteve në bord mund të kushtojë nga 1 milion deri në 3 milion dollarë në vit.
Masat shtesë të sigurisë mund të kushtojnë disa milionë dollarë në vit.
Mirëmbajtja e ambienteve të brendshme luksoze mund të kushtojë diku nga 2 milion dollarë deri në 5 milion dollarë në vit.
Në vitin 2023, pasuria neto e Jeff Bezos ishte 107 miliardë dollarë. Në fillim të vitit 2024, u rrit në 177 miliardë dollarë.
Kjo përkthehet në fitime prej 191.8 milionë dollarë në ditë, rreth 8 milionë dollarë në orë.
