Jonila Çota, një vajzë e re dhe nënë e një vajze 8-vjeçare, po lufton prej dy vitesh me një tumor në stomak, i cili tashmë është përhapur edhe në zorrë. Pas përkeqësimit të gjendjes, mjekët kanë rekomanduar ndryshimin e kimioterapisë dhe më pas një operacion të domosdoshëm.
Familja e saj ka harxhuar të gjitha kursimet për trajtimin mjekësor dhe tashmë nuk ka mundësi financiare për të përballuar kostot e mëtejshme. Për këtë arsye, miqtë dhe të afërmit e Jonilës kanë nisur një fushatë solidariteti për mbledhjen e fondeve të nevojshme.
Çdo kontribut, i madh apo i vogël, mund të bëjë një ndryshim jetik për Jonilën dhe vajzën e saj, e cila ka ende shumë ëndrra për të realizuar.
Ju lutemi, ndani këtë thirrje dhe ndihmoni Jonilën në këtë betejë të vështirë.
