Në Pogradec Jovan Shuken artistikisht të gjithë e njohin me emrin Xhuvi i fizarmonikës, kjo pasi përgjatë gjithë jetës së tij nuk e ka hequr nga dora këtë instrument muzikor.
Xhuvi sot është 81 vjec dhe kontaktin e parë me instrumentin e ka pasur në moshën 12 vjecare, kohë kur shkollat e vendit ofronin gjithcka në drejtimin artistik dhe kulturor, që nga kurset e firzamonikës, violinës, kitarës, këngës etj.
I rritur dhe arsimuar në një periudhë të errët për Shqipërinë sic ishte edhe komunizmi, të rinjtë që studionin në liceun artistik ishin prej atyre që dëgjoni fsheurazi muzikën e huaj. Xhuvi rrezikoi studimet e tij, pasi bashkë me disa shokë të tij u kapën duke luajtur muzikën e Bitëllsave.
“Ne dëgjonim fshehurazi Bitëllsat, një ditë vendosëm ti luajmë ata, por nja dy qeveritarë na dëgjuan dhe na spiunuan. Mua më përjashtuan 2 muaj nga konvikti dhe shkolla. Ato kohë shkoja tek shokët që flija dhe ushqehesha, por më pas më rikthyen dhe më dhanë të drejtën e provimeve për të mbaruar studimet” thotë Xhuvi.
Jovan Shuke është prej atij brezi që jo vetëm ka punuar për të jetuar dhe argëtuar ata që i dëgjonin, por në kohën e tyre punonin me qindra fëmijë për tiu mësuar instrumetat muzikorë, sot nuk ndodh më kjo gjë dhe si shumë profesione të tjera edhe fizarmonikën nuk po e mëson njeri.
“Janë me qindra aktivitete dhe të rinj me të cilët kemi punuar, kemi bërë shfaqje dhe koncerte pafund, pork am punuar edhe në lokalet e qytetit asokohe dhe të gjithë që vinin në Pogradec me pushime kënaqeshin me muzikën pogradecare që ne performonim”.
Xhuvi edhe pse 81 vjec luan mjeshtërish në fizarmonikë dhe thotë se do vijojë ta bëjë të paktën deri sa të mos i punojnë më gishtat, ai themeloi edhe Grupin Muzikor “Nostalgjia” në Pogradec, grup i cili numëron një repertor të pasur me këngë qytetare pogradecare, Xhuvi ende është drejtuesi i grupit por në momentin që do ta lërë thotë: “Ai që do marrë drejtimin duhet patjetër të më japë fajlën që do të luhet firzamonika dhe nuk do hiqet si pjesë e instrumentave”.
