Janë vënë në pranga 2 shtetas nga Devolli pasi janë konfliktuar me punonjësit e Policisë Kufitare, të cilët u kanë gjetur në automjet lëndë narkotike, kokainë.
Njoftimi i policisë;
DVP Korçë/Vihen në pranga 2 shtetas për vepra të ndryshme penale
Hetimi i Narkotikëve arrestoi në flagrancë shtetasit A. P., 42 vjeç, banues në fshatin Përparimaj, Devoll dhe A. P., 29 vjeç, banues në fshatin Sul, Devoll, pasi në fshatin Përparimaj, punonjësit e Policisë Kufitare kanë ndaluar automjetin tip “Benz” me drejtues 29-vjeçarin dhe pasagjer shtetasin A. P., i cili gjatë kontrollit fizik, ka hedhur në tokë disa doza lënde të dyshuar narkotike kokainë.
Gjithashtu, gjatë kontrollit në banesën e 29-vjeçarit, u gjet një armë gjahu pa leje, e cila u sekuestrua në cilësinë e provës materiale, së bashku me lëndën narkotike, automjetin dhe 3 celularë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.
