Sali Berisha dhe Ilir Meta, i pari pjesë e listës së zezë së SHBA-ve, ndërsa i dyti me 5 dosje penale në SPAK, janë bashkuar në një koalicion në zgjedhjet lokale të 14 majit, duke i kthyer këto zgjedhje në një referendum politik kundër qeverisë.
Disa nga kandidatët e çiftit politik Berisha-Meta rezultojnë pa diplomë, me diploma false, me shkollim të dyshimtë dhe të skeduar për probleme me drejtësinë.
Ku përmendim kandidatin për bashkinë e Tiranës, Belind Këlliçi, i cili ka pranuar se nuk ka as diplomë pjekurie dhe as diplomë të gjimnazit. Dyshohet mos ketë dhe as diplomë universiteti.
Arjan Hoxha, kandidat në bashkinë Kamzë, ka falsifikuar diplomën e universitetit, e faktuar kjo me akt zyrtar ekspertimi.
Fredi Beleri, kandidati i bashkisë Himarë, ka një listë me “të zeza”, Beleri është arrestuar, liruar, hetuar e gjykuar për ngjarjen e Masakrës së Peshkëpisë. Në zgjedhjet lokale të vitit 2019, KQZ-ja i refuzoi kandidimin si kandidat i pavarur për bashkinë e Himarës, pasi ishte objekt i veprimit të ligjit të dekriminalizimit. Në vitin 2006 është dënuar me 3 vjet burg për thirrje urrejtjeje nacionaliste nga Gykata e Vlorës, ndërsa në vitin 1999, Gjykata e Athinës e ka dënuar me vendim të formës së prerë me 18 muaj burg për bashkëpunim në armëmbajtje pa leje, dënim që i është konvertuar në 3 vite shërbim prove.
Rezart Tusha, kandidat në bashkinë e Shijakut, është dëbuar nga Zvicra në vitin 1994 dhe dyshohet se ka shpërndarë herioinë në Zvicër.
Zef Hila, kandidat në bashkinë e Vaut të Dejës, është shkarkuar nga posti i kryebashkiakut të Vaut të Dejës nga Kryemimistri Edi Rama në vitin 2019, pasi dyshohej se kishte djegur materialet zgjedhore.
Dhe pa harruar kandidatin e bashkisë së Devollit, Elvis Hajdërlli, i cili rezulton i dënuar me 6 muaj burg për falsifikime në Greqi, ndërsa ka operuar edhe me emrat Romeo dhe Romi, si duket duket për të mbuluar të shkuarën e tij.Elvis Hajdërlli është dënuar nga Gjykata e Selanikut më 16.02.2006. Ai e ka deklaruar këtë fakt edhe në deklaratën e KQZ-së për pranimit e kandidimit si kryebashkiak.
Ajanë të besueshëm këta kandidatë për të qenë në krye të bashkive?
