Prej 4 vitesh, nisma “Këpucët e Krishtlindjes” shtrihet edhe në Korçë në fundvit. 6 vullnetaret që i janë bashkuar nismës, sigurojnë këpucë të cilat më pas u shpërndahen fëmijëvë të familjeve në nevojë, për të ngrohur zemrat e tyre në këto ditë festash.
Vullnetarja Stela Viso bën apel që të jemi më solidarë e më të bashkuar, edhe mbi të gjitha për t’iu ardhur në ndihmë njerëzve në nevojë.
Një sërë institucionesh i janë bashkuar kësaj nisme, qytetarë dhe anëtarë të shoqatave joqeveritare.
Ndërkohë sot, dhurime janë bërë nga nxënësit e gjimnazit “Ymer Dishnica”.
Këpucët që do të mblidhen brenda këtij muaji, do t’u dhurohen fëmijëve në nevojë, ndërsa risi e këtij viti është se ato do shpërndahen edhe në fshatin Drithas dhe në qytetin e Bilishtit.
- JOANA FIRANJ Nxënëse e gjimnazit “Ymer Dishnica”
- XHENSILA KOKOSHI Vullnetare e nismës “Këpucët e Krishtlindjes”
- STELA VISO Vullnetare e nismës “Këpucët e Krishtlindjes”
