Këshilli i Qarkut të Korcës ka miratuar disa ditë më parë buxhetin për vitin 2024 me anë të të cilit do të mbështeten dhjetra projekete pa lënë aspak mënjanë kategoritë sociale, shtresat në nevojë, moshën e tretë, por edhe projekte që synojnë mbështetjen e promovimin të turizmit rajonal në të gjithë qarkun e Korcës.
Nga një vështrim i përgjithshëm që kem bërë në këtë projektvendim, vihet re që ka një rritje të konsiderueshme të mbështetjes sidomos për shtresat në nevojë në cdo bashki të qarkut, deri tek investimet infrastrukturore.
Një buxhet gjithëpërfshirës dhe me këmbë në tokë, i cili ndryshe nga buxhetet e bashkive është më real dhe mbështetës.
Sipas Erion Nexhipit, Kryetar i Këshillit të Qarkut Korcë
“Ky buxhet do të fokusohet në zhvillimin ekonomik, me një vëmendje të veçantë ndaj turizmit dhe fuqizimit të rinisë. Kohezioni social është objektiv i rëndësishëm i projektit tonë për vitin 2024.
Mosha e tretë dhe fëmijët në nevojë, janë grupe sociale që kanë vëmendje të shtuar!
Projektet e trashëgimisë kulturore synojnë ruajtjen e traditave lokale dhe forcimin e krenarisë kombëtare.
Ky buxhet është në përputhje me strategjinë e qeverisë qendrore dhe synon të rrisë bashkëpunimin me bashkitë.
Ne jemi të angazhuar për një të ardhme të qëndrueshme dhe të bashkuar për rajonin tonë”
