Koço Dinella është padyshim një nga emrat më të mëdhenj të futbollit korçar dhe atij shqiptar. Futbollist i cili për sa ishte pjesë e Skënderbeut dhe ekipit tonë kombëtar ishte padyshim një nga më të mirët në fushën e lojës.
Koço Dinella do ta fillonte shpejt lojën e futbollit dhe do të largohej nga fusha atëherë kur nuk ishte me shumë se 27 vjeç. Edhe për atë sepse ndoshta krejt ndryshe nga të tjerët donte t’i varte dorezat e portierit në gozhdë kur ishte në kulmin e përfaqësimit me Skënderbeun dhe ekipin kombëtar.
Dinella është padyshim futbollisti më kontribuues i skuadrës korçare, është historia e këtij ekipi, është vlera e qytetaria. Koco Dinella është gjithçka e futbollit të një skuadre si Skënderbeu, është qytetari model, është miku i mirë i futbollit shqiptar.
Koço Dinella ka patur fatin të luajë jo vetëm me Skënderbeun e përfaqësuesen kombetare por dhe ekipe të tjera që kanë kërkuar shërbimin e tij në ndeshje europiane.
Prej vitesh Koço Dinella, mik i Teodor Vasos dhe Dhimitraq Xhambazit, Aleko Toshit dhe Pandi Dhëmbit, Dhimitraq Dembos, Gjergji Ballcos e Milotin Kërçiç. Në fakt Koço Dinella është miku i të gjithë korçarëve.
Edhe sot, ai kujtohet me respektin më të madh nga bota e futbollit dhe qytetarët korçare për atë çfarë i fali kësaj loje dhe këtij qyteti si askush tjetër, qytetarisht!
