Në zemër të bardhësisë së dimrit, Kolonja u shndërrua në një galeri të hapur arti, ku 21 piktorë shqiptarë hodhën në telajo bukuritë e qytetit të Ersekës dhe fshatrave turistikë të Borovës, Rehovës, Shelegurit dhe jo vetëm.
Për piktorët pjesëmarrës ne këtë koloni, e gjithë treva ofron shumë për ta, sidomos në stinën e dimrit.
Fatmir Toci, organizatori i eventit, e cilësoi Kolonjën si “perfeksion i natyrës dhe një burim të pashtershëm frymëzimi për artistët, jo vetëm në dimër, por në çdo stinë”.
Një pjesë e pikturave të realizuara në këtë koloni u dhuruan fondit të galerisë së kulturës në Kolonjë.
