Bashkia Kolonjë ka nisur festimet e fundvitit në juglindje të Shqipërisë, duke ndezur dritat dekorative në sheshin “Rilindja” të qytetit të Ersekës.
Për herë të parë, fëmijët me aftësi të kufizuara udhëhoqën numërimin mbrapsht për ndezjen e dritave shumëngjyrëshe. Kryetari i bashkisë Kolonjë, Erion Isai, theksoi se eventi “Ëndërr për dritë” shënon një angazhim të veçantë për këta fëmijë, duke ofruar shërbime më të mira për ta.
Përveç dritave dekorative, çdo natë do të ketë muzikë në shesh, duke krijuar një atmosferë festive për banorët dhe vizitorët që zgjedhin Kolonjën për festat e fundvitit.
