Agim Qirjaqi u lind në Kolonjë, në 27 janar të vitin 1950 dhe vdiq në Tiranë më 28 mars të vitit 2010 në moshën 60 vjecare ndërsa shkak i ndarjes së tij nga jeta ishte një sëmundje e rëndë. Nëse pyet kolegët e tij do të thonë se Agimi ishte i parapëlqyeri i regjisorëve.
Agimi rezulton ndër aktort me potencial, ndër më elegantët dhe me një finesë të madhe, këto e bënin këtë njeri të rrallë aq sa thonnin se aoi kishte nje sjellje aristokrate si në skenë ashtu edhe në jetën e përditshme.
Agimi ka luajtur me dhjetra role sidomos ato me mësues aq sa të gjithë e thërrisnin profesor.Ai pati rolin brilant i drejtor Luixhit, tek filmi “Lulëkuqet mbi mure” rol që ja besoi mjeshtri i regjisurës Dhimitër Anagnostin dhe në Festivalin e II të Filmit të vitit 1977 mori çmimin e parë.
Akoma më tej u rrit në rolet e tij kur mori rolin e një oficeri nazist tek filmi “Dimri i Fundit”, dhe akoma më shumë si shkrimtari Adrian tek “Radiostacioni” i regjisorit Rikard Ljarja
Në vitin 1983 Agim Qirjaqi do të interpretonte në një nga rolet emblematik të tij, atë të profesor Janit në filmin “Apasionata” me regji të Ibrahim Muçaj e Kristaq Mitros.
Në jetëshkrimin zyrtar të tij thuhet se karrierën si aktor e fillon në Teatrin Kombëtar, në vitin 1973, fill pas mbarimit të studimeve në Akademinë e Arteve në Tiranë. Më pas punon si regjisor në Televizion, ku realizon si regjisor e aktor shumë telefilma. Por kishte përvojë si pedagog i mjeshtërisë së aktorit në Akademinë e Arteve.
Në vitin 1989 largohet për një trajnim 2-vjeçar pranë të famshmit Xhiorxhio Strehler në Teatrin “Pikolo” të Milanos dhe pastaj në Teatrin “Elizeo” të Romës. Në anën akademike në vitin 1996 Agim Qirjaqi mori titullin “Asistent Profesor”. Ndërsa nga ana administrative në sezonin 2002-2003 ka qenë drejtor i Teatrit Kombëtar.
Sot, rolet e interpretuara prej tij e bëjnë atë të pavdekshëm.
