Po ndiqet penalisht një 59 vjeçar nga fshati Mollas i Kolonjës pasi ka ndezur zjarr në parcelën bujqësore të kufitarit për të djegur mbetjet që kishte pastruar nga parcela e vet.
Për pasojë zjarri jo vetëm që ka shkaktuar ndotje të mjedisit dhe të ajrit por gjithashtu ka dëmtuar dhe rrjetin ujitës të fshatit.
Njoftimi i policisë;
DVP Korçë/Procedohet në gjendje të lirë 1 shtetas për vepra të ndryshme penale
Specialistët për Hetimin e Krimeve të Komisariatit të Policisë Kolonjë referuan materialet në Prokurori, ku filloi procedimi në gjendje të lirë për shtetasin D. Sh., 59 vjeç, banues në fshatin Mollas, pasi në fshat dyshohet se ka ndezur zjarr në një sipërfaqe toke në pronësi të tij, për të djegur barishte, dhe për pasojë ka shkaktuar ndotje të ajrit, si dhe është dëmtuar rrjeti ujitës i fshatit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
