Në datat 3-4 prill, DRAP Korçë organizoi ceremoninë e vlerësimit dhe shpalljes së 4 skuadrave fituese në nivel rajonal për konkursin “Gjuha jonë”, ku u shpallën 4 shkollat me rezultatet më të larta në pjesëmarrjen e fazës së dytë të konkursit “Gjuha jonë”, në të cilin morën pjesë 257 shkolla 9 vjeçare në të gjithë DRAP Korçë.
Shkollat fituese të fazës së dytë në nivel rajonal u shpallën:
1. Shkolla 9 vjeçare “28 Nëntori” – ZVAP Kuçovë
2. Shkolla 9- vjeçare “Dritëro Agolli” – ZVAP Devoll
3. Shkolla 9 vjeçare “Adem Bedalli ” – ZVAP Peqin
4. Shkolla 9 vjeçare “Muhamer dhe Esat Minarolli” – ZVAP Pogradec
Në mjediset e DRAP Korçë u pritën katër skuadrat fituese në “Konkursin Kombëtar të Gjuhës Shqipe”, shoqëruar nga mësues e drejtues të shkollave përkatëse, si edhe drejtorët e ZVAP-ve fituese. Fillimisht pritja u krye në mjediset e DRAP-it, vazhduan me një vizitë në muzeun e ” Mësonjëtores së Parë Shqipe” si simbol i arsimit dhe gjuhës shqipe. Më pas, ceremonia u përmbyll ditën e enjte, date 04.04.2024 në qytetin e Elbasanit. Drejtore e DRAP Korçë znj. Vinjola Rota mbajti fjalën përshëndetëse dhe ndau certifikatat për nxënësit e çdo shkolle fituese. Ceremonia u përshëndet me disa recitime nga nxënësit pjesëmarrsë të shkollave dhe më pas me vizitën në muzeun e shkollës së mesme pedagogjike “Luigj Gurakuqi”, në të cilën nxënësit u njohën nga afër me historikun e “Normales” së Elbasanit.
Ju urojmë skuadrave fituese suksese në konkurrimin në Tiranë në fazën finale.
