Më shumë se 100 të rinj kryesisht gjimnazistë nga shkollat e Korçës do të bëhen pjesë e kampit të trajnimit si programues të rinj.
Sipas kryetarit të Bashkisë Korçë Sotiraq Filo, ky projekt ka 2 vite që zhvillohet në këtë qytet dhe tashmë do të zbresë në mosha më të vogla si ajo e gjimnazistëve. Me trajnerë amerikanë ata do të mësojnë ndërthurje të ndryshme programimesh të cilat janë edhe më të kërkuarat në treg.
Me këtë lloj trajnimi ne i mundësojmë të rinjve një punë të sigurtë pa pasur nevojën të ikin nga Shqipëria tha Filo.
Korca ICT Academy and Code for Albania
Ne e kemi konceptuar këtë projekt si pjesë e një programi më të madh që Bashkia e Korçës e ka lancuar para tre vitesh dhe që synon ta kthejë qytetin e Korçës në një qendër të teknologjisë dhe inovacionit. Jo rastësisht pasi mendojmë që teknologjia dhe inovacioni janë një mundësi shumë e mirë sidomos për të rinjtë dhe të rejat që do të aftësohen në disiplina të ndryshme të lidhura me teknologjinë që të punojnë për tregje ndërkombëtare pa qenë e nevojshme që të largohen nga Korça apo Shqipëria.
Në kuadër të ketij programi kaq të madh ne kemi një shtyllë kryesore e cila është ofrimi i trajnimeve të shumta për disiplina të ndryshme të teknologjisë dhe për grupmosha të ndryshme. Dhe krahas grupmoshës mbi 18-vjeç e cila ka marrë një vëmendje më të madhe nga ana e bashkisë me ofrimin e trajnimeve të ndryshme dhe është një grupmoshë që pas kësaj ka të mundur aksesimin drejt tregut të punës.
Ambicia jonë ka qenë që këto programe apo projektet tona të trajnimeve t’i shtrijmë edhe në grupmosha të tjera. Ndaj kemi parë me shumë interes nismën e alfa plan dhe codex dhe code for albania, për të filluar në Shqipëri një projekt trajnimi të të rinjëve të cilët janë në moshën e gjimnazit.
Projekti ka disa vite që zhvillohet në shqipëri. Por prej dy vitesh ky projekt ka ardhur në Korçë sepse Bashkia Korçë u është ofruar organizatorëve dhe u ka vënë në dispozicion qytetin e Korçës, resurset dhe mundesitë financiare dhe jo vetëm të bashkisë. Si dhe ju kemi kërkuar që ta spostojnë dhe ta sjellin këtë projekt në Korçë.
Projekti është shumë interesant, është një projekt sipas një qasjeje që vjen nga SHBA e cila është e njohur për qasje inovative dhe moderne në fushën e teknologjisë.
Të rinjtë do të marrin një ndërthurje të njohurive në disa gjuhë programimi nga më të kërkuarat në tregun aktual të punës me njohuri apo aftësi të tjera që jo domosdoshmërisht lidhen me teknologjinë po janë shumë të nevojshme dhe të kërkuara nga tregu apo nga e ardhmja e tregut të punës. Siç është të menduarit kritik apo design thinking.
Jam shumë i kënaqur që ky projekt vjen për vitin e dytë radhazi në Korçë, pjesë e projektit janë edhe një grup instruktorësh që vijnë nga SHBA dhe jo vetëm, të cilët do të sjellin përvojat nga vendi nga ata vijnë. Të rinjtë kanë qenë shumë të kënaqur me mënyrën se si është zhvilluar ky kamp.
Përfitues të këtij projekt edhe këtë vit janë mbi 100 të rinj dhe të reja jo vetëm nga Korëa por nga gjithë Shqipëria. Dua të falenderoj partnerët tanë në realizimin e këtij projekti, codex, alfa plan, code for albania, si edhe world vision dhe raiffeisen invest.
Jam i bindur se këtë projekt do ta zhvillojmë edhe në vitet e ardhshme, e jo vetëm ta vazhdojmë por edhe ta zgjerojmë numrin e të rinjve që do të bëhen pjesë e këtij projekti dhe padyshim do të uroja n mbarëvajtje të mirë të këtij projekti.
Përveç njohurive të rinjtë do të kenë mundësi të beheni pjesë edhe e aktiviteteve jashtë kurrikulës, aktivitete sportive, artistike, kulturore etj.
