Sezoni turistik gjatë verës bën që pjesa më e madhe e pushuesve vendas të zgjedhin detin.Korça ofron tjetër turizëm, të cilin e prefererojnë të huajt.
“Në lidhje me turistët vendas normal që ka mungesë, sepse Korça nuk ofron të njëjtin turizëm me bregdetin, Korça është qytet malor ka turizëm dimri zakonisht, por përgjithësisht ka ulje të numrit të vizitorëve vendas. Për turistë të huaj ka rritje të numrit duke marrë parasysh lehtësimin e masave të pandemisë dhe gjithçka tjetër”, thotë Vilson Demko, recepsionist hoteli.
“Të huaj ka pasur gjithmonë që vijnë vizitojnë Korçën, pastaj është kjo pjesa shumica viziton vendet bregdetare, kanë qejf pjesën e detit, Korça ka pjesën e emigrantëve të huaj, që kanë qejf qetësinë dhe kulturën e Korçës. Ka pasur ndikim ekonomia pasi duket që turistët që vijnë në Korçë janë pothuajse të gjithë të huaj, shumë pak janë shqiptarë”, shprehet Armando Gena, menaxher hoteli.
Turistët e huaj e zgjedhin Korcën për disa aryse. Më kryesorja është qetesia që fal qyteti dhe fshtrat piktoreske.
“Unë vij nga Belgjika me të dashurën. E duam Shqipërinë sidomos njerëzit këtu, janë shumë të sjellshëm, na kanë ndihmuar shumë. U nisëm nga Belgjika, pastaj në Vienë, Beograd, në Bari e tani në Korçë. Na e rekomanduan miqtë. Erdhëm me transport publik, përdorëm tren dhe autobus. Jam i surprizuar nga mikpritja juaj dhe është një vend që të jep relaks, më pëlqen më shumë se deti”, theksoi një turist belg.
Vitin e kaluar në Korçë u akomoduan rreth 90.000 turistë, në 111 hotelet që ka ky qytet.
