Me rastin e 80-vjetorit të Çlirimit të Atdheut, Bashkia e Korçës organizoi sot një ceremoni përkujtimore në Varrezat e Dëshmorëve. Në aktivitet morën pjesë deputetë, drejtues të pushtetit lokal, përfaqësues të Organizatës së Veteranëve dhe autoritete të tjera vendore.
Ceremonia u shoqërua nga vendosja e kurorave me lule në varret e dëshmorëve, nën ritmet solemne të bandës muzikore të qytetit. Të pranishmit bënë homazhe në shenjë nderimi për heronjtë që sakrifikuan për lirinë e vendit.
Pas ceremonisë, pjesëmarrësit vizituan muzeun e deshmoreve ku u njohen me një ekspozitë fotografike që përkujton jetën dhe veprën e dëshmorëve. Kjo ditë rikthen në vëmendje rëndësinë e kujtesës historike dhe sakrificën e atyre që dhanë jetën për çlirimin e Shqipërisë.
