Korça e preferuar për fundjavë, vizitorë të shumtë, kryesisht të rinj, mysafirë në qendrën e juglindjes.
Qyteti i Korçës është gjallëruar këtë të shtunë të mes muajit dhjetor nga vizitorë të shumtë. Prania e tyre në zonat kryesore të qytetit si pazari i vjetër, zona këmbësore, katedralja etj la qënë e dukshme me grupe, kryesisht të rinj të ardhur nga qytete të tjera të Shqipërisë.
Korça preferohet nga pushuesit për festat e fundvitit, por edhe para vigjiljes të këtyre festave shfaqet fluks vizitorësh i kënaqshëm për jetën shoqërore dhe ekonomike të qytetit. Edhe pse qendra e juglindjes zgjidhet për pushime të fundjavës më së shumti kur bien reshje dëbore, moti i përshtatshëm i këtij fillim dimri favorizon turistët në lëvizjet apo shëtitjet e tyre si në Korçë edhe në rrethinat e saj me fshatrat turistikë.
