Korca jovetëm në ditët e sotme por për sa kohë mbajnë mend korçarët e vjetër, ky qytet ka pasur një arkitekturë me tre elementet që spikatin në ndërtimet e reja dhe të vjetra.
Së pari rrugët e 5 lagjeve karakteristike të Korçës janë me kalldrëm, nga ana tjetër shtëpitë dhe muret rrethuese janë të ndërtuara me gurë të gdhendur dhe më interesantja është se në asnjë prej këtyre banesave nuk mungojnë kangjellat.
Kjo ka ardhur si nevojë për të ruajtur të paprekur veçantinë e qytetit dhe me një vendim të posaçëm këshilli bashkiak shumë vite më parë, në qendrën e Ansamblit Arkitektonik dhe në Qendrën Muze nuk jep asnjë leje ndërtimi që nuk ka të parashikuar elementët e gurit dhe kangjellave.
Olger Kafazi është një nga mjeshtrat që për vite me rradhë ka realizuar kangjellat e shtëpive korçare, ndërsa dëshirën për këtë punë duket se e ka patur të lindur.
Sigurisht që ka edhe prej atyre ndërtimeve të reja që nuk kanë të përfshira elementet karakteristikë të ndërtesave korçare po dëmtojnë imazhin e qytetit.
Olgeri për të pasuruar idetë e dizenjimit të kangjellave zotëron edhe një album me foto të vjetra të shtëpive korçare e deri me ato të punëve të krijuara prej tij.
Pamja e rrugicave të vjetra të Korçës nuk është tjetërsuar apo dëmtuar kjo falë dëshirës së korcarëve për të ruajtur autenticitetin e të parëve dhe falë kësaj culture, Korca sot bën dallim nga shumë qytete të tjera të vendit.
Nëse ecën nëpër rrugët me kalldrëm do të vësh re se vetë pronarët e shtëpive gjatë restaurimit të tyre kanë ruajtur gjithçka mund të ruhej në arkitekturën e shtëpive.Falë korcarëve tradita dhe historia e Korçës janë shënjuar tek rrugicat me kalldrëm, atje ku shtëpitë karakteristike i qëndrojnë me krenari modernizmit dhe të vjetrës, ndërthurje sa e bukur aq edhe përfaqësuese.
