Mitropoliti i Korçës Joan Pelushi ka uruar ditën e djeshme myftiun Ledjan Çikalleshi në ditën e Fitër Bajramit.
Janë klerikët fetarë të qytetit të Korçës, ata të cilët herë pas here kanë dhënë mesazhe paqeje, bashkimi, uniteti dhe inkurajimi për gjithë besimtarët e besimeve fetare.
Rikujtojmë se vetëm pak muaj më parë, klerikë të cilët përfaqësonin të gjithë besimet fetare kanë udhëtuar drejt Vatikanit për të takuar Papën. Një takim ku vet kreu i shenjtë i Vatikanit është ndjerë i gëzuar nga puna e përbashkët që klerikët fetarë në qytetin e Korçës bëjnë.
Kjo është Korça, Korça shembull, Korça e unitetit, Korça e bashkimit, Korça e harmonisë fetare.
