Korça vlerëson nxënësit e saj më të shkëlqyer.
Plot 77 gjimnazistë nga shkollat publike dhe jo publike të qytetit janë nderuar këtë vit me Bursën e Ekselencës, një iniciativë e Bashkisë Korçë për të mbështetur të rinjtë me rezultate të larta në mësime.
Ceremonia e shpërndarjes së bursave vlerësoi jo vetëm arritjet akademike, por edhe përkushtimin, punën dhe vullnetin që këta të rinj kanë treguar gjatë gjithë vitit. Gjimnazistët u cilësuan si shembull frymëzimi për bashkëmoshatarët dhe një pasuri e rëndësishme për të ardhmen e qytetit.
Bashkia Korçë bëri të ditur se do të vijojë të investojë në mbështetjen e nxënësve ekselentë, duke i ndihmuar ata në çdo hap të rrugëtimit të tyre arsimor.
