Është arrestuar më flagrancë një i ri, 25 vjeçar, nga qyteti i Korçës, pasi ka qenë duke dhunuar nënën e vet. E dhunuara u pajis me urdhër mbrojtjeje dhe djali i saj përfundoi pas hekurave.
Njoftimi i policisë;
DVP Korçë/Vihet në pranga 1 shtetas për veprën penale të dhunës në familje
-Specialistët për Hetimin e Krimeve të Komisariatit të Policisë Korçë arrestuan në flagrancë shtetasin A. D., 25 vjeç, banues në Korçë, pasi dyshohet se ka ushtruar dhunë ndaj nënës së tij, e cila u pajis me urdhër mbrojtjeje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
