Një i ri nga Korça është vënë në ndjekje penale nga blutë e qytetit pasi gjatë kontrollit në mjetin e tij ju sekuestruan armë të ftohta.
Policia në informacionin e shpërndarë për mediat thotë se kishte informacion për të riun që lëvizte me armë të tilla dhe ushtroi kontroll fizik të mjetit.
Pas këtij kontrolli në porchen e tij u gjetën sëpata dhe dy armë të tjera të ftohta.
Njoftimi i policisë:
DVP Korçë/Procedohet në gjendje të lirë 1 shtetas, për veprën penale të mbajtjes së armëve të ftohta në mjetin e tij
-Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi penal në gjendje të lirë për shtetasin L. H., 28 vjeç, banues në Korçë, pasi në lagjen nr. 16, Korçë, gjatë kontrollit në automjetin e tij tip “Porsche”, u gjet një mjet i mprehtë (sëpatë) dhe dy mjete të tjera të dyshuara si armë të ftohta, të cilat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
