Një aksident i ndodhur në qytetin e Korçës ka sjellë arrestimin e njërit prej drejtuesve të mjeteve. Një prej tyre ishte në gjendje të dehur. Fatmirësisht pati vetëm dëme materiale.
Njoftimi i policisë;
Qarku Korçë/Vihen në pranga 1 shtetas për veprën penale të drejtimit të automjetit në gjendje të dehur
Specialistët e Trafikut Urban dhe Interurban të DVP Korçë arrestuan në flagrancë shtetasin R. F., 61 vjeç, banues në Korçë, pasi në bulevardin “Republika”, automjeti që drejtonte ky shtetas, është përplasur me një automjet tjetër dhe nga përplasja janë shkaktuar vetëm dëme materiale. Pas verifikimeve, rezultoi se 61-vjeçari e drejtonte automjetin, në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
