Drejtoria Vendore e Policisë Korçë njofton për disa raste të ndodhura në qarkullimin rrugor, që kanë sjellë arrestime dhe procedime penale.
Specialistët e Sektorit të Qarkullimit Rrugor arrestuan në flagrancë shtetasin E. D., 20 vjeç, banues në Sovjan, Maliq, pasi u kap duke drejtuar automjetin pa leje drejtimi.
Gjithashtu, janë referuar materialet në Prokurori për nisjen e procedimeve penale ndaj disa drejtuesve të automjeteve:
E. M., 29 vjeç, banues në fshatin Vashtmi, për shkak të përplasjes së automjetit të tij me një tjetër, ku si pasojë u dëmtua lehtë një pasagjere.
J. I., 30 vjeç dhe A. M., 54 vjeç, pas përplasjes së automjetit me një motomjet, ku ky i fundit drejtohej pa leje drejtimi dhe u dëmtua lehtë.
R. M., 71 vjeç, banues në Mborje, pas përplasjes me një tjetër automjet, ku u lënduan lehtë dy pasagjerë.
Policia vijon punën për garantimin e sigurisë rrugore dhe parandalimin e ngjarjeve me pasoja për qytetarët.
