Lazjon Petri bën ftesë qytetare për banorët e Korçës për të gjetur një zgjidhje për qentë e rrugës.Ai i fton të gjithë qytetarët të bashkohen ditën e nesërme më datë 11 qershor, në orën 18:⁰⁰, te Bashta Themistoli.
FTESË QYTETARE
(10 Qershor 2023, 06.00 pm, @ Bashta Themistokli, Korçë)
Kush gjendet në Korçë dhe nuk ka planifikuar gjësend për pasditen e nesërme, është i/e mirëseardhur në ora 18.00 tek Bashta Themistokli, në takimin e organizuar prej shoqërisë civile dhe moderuar nga mua, për t’i dhënë drejtim zgjidhjeje, çështjes së qenve të rrugës, që përherë e më shumë po kthehet në një shqetësim madhor, deri në kufijtë e kërcënimit psiko-emocional, mbarë qytetar.
Në fakt, një dyzinë njerëzish ma patën përmendur këtë anomali dhe mungesën e vëmendjes kah drejtësisë dhe paqtimit komunitar, qyshse kur më jepnin firmat mbështetëse, për të drejtën e kandidimit tim, pa parti, në zgjedhjet lokale të para 1 muaji.
Këshilli Bashkiak nuk është konstituuar ende, prapëseprapë, propozimin që po e draftojmë së bashku, për këtë çështje, do e dorëzoj pranë këtij Institucioni, me të drejtën që më jep tanimë, të qënit njëri prej 41 Anëtarëve.
Pjesëmarrja juaj nesër, është ndihmë dhe vlerë qytetare për ta mirëkopsitur kërkesën, që do t’i dorëzohet Bashkisë me propozimin përkatës dhe të posaçëm.
Ju të largmit mos u ndjeni të përjashtuar. Na shkruani.
Mirutakofshim nesër, 10 Qershor 2023, 06.00 pm, @ Bashta Themistokli, Korçë.
