Një 65 vjeçar në bulevardin “Fan Noli” të qytetit të Korçës gjatë drejtimit të automjetit të tij ka përplasur lehtë një vajzë të re 16 vjeçare.
65 vjeçari, banues në fshatin Symiz të Maliqit, pas përplasjes është larguar nga vendi i ngjarjes.
Vajza e lënduar lehtë ka bërë kallëzim penal dhe ndaj 65 vjeçarit ka nisur procedimi penal në gjendje të lirë.
Njoftimi i policisë;
DVP Korçë/Procedohet në gjendje të lirë 1 shtetas për veprën penale të aksidentit
-Specialistët e Trafikut Urban dhe Interurban të DVP Korçë referuan materialet në Prokurori ku filloi procedimi në gjendje të lirë për shtetasin A. B., 65 vjeç, banues në fshatin Symiz, Maliq, pasi në bulevardin “Fan Noli”, Korçë, duke drejtuar automjetin tip “Peugeot”, ka aksidentuar lehtë një 16-vjeçare, banuese në Korçë, këmbësore në rrugë, dhe është larguar nga vendi i aksidentit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
