Dy shteteas janë arrestuar ditën e sotme pasi kanë thyer masën e sigurisë “Arrest në shtëpi”. Personar duhet të qëndronin në shtëpi por janë parë në lëvizje.
Njoftimi i policisë;
DVP Korçë/ Thyen masën e sigurisë “Arrest në shtëpi”, kapen dhe vihen në pranga 2 shtetas.
Specialistët për Hetimin e Krimeve të Komisariatit të Policisë Korçë arrestuan në flagrancë shtetasit:
E. L., 42 vjeç, banues në Korçë, pasi është konstatuar nga shërbimet e Policisë, në lagjen nr. 12, Korçë, duke thyer masën e sigurisë “Arrest në shtëpi”, të caktuar nga Gjykata e Korçës, për veprat penale “Prodhimi dhe shitja e narkotikëve”, “Përndjekja”, “Prodhimi, mbajtja, blerja apo shitja pa leje e armëve të ftohta”;
S. T., 23 vjeç, banues në fshatin Bulgarec, Korçë, pasi është konstatuar nga shërbimet e Policisë, në lagjen nr. 3, Korçë, duke thyer masën e sigurisë “Arrest në shtëpi”, të caktuar nga Gjykata e Korçës, për veprat penale “Moskallëzimi i krimit” dhe “Largimi i të burgosurit nga vendi i qëndrimit”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
