Drejtoria Vendore e Policisë Korçë njofton se shërbimet e komisariateve të qarkut kanë referuar në Prokurori materialet për disa ngjarje të ndodhura në ditët e fundit.
Korçë – U proceduan penalisht tre shtetas, 27, 37 dhe 37 vjeç, banues në Drenovë, pasi për motive të dobëta kanë goditur një 51-vjeçar. Në procedim është përfshirë edhe një 36-vjeçar nga Tirana, sipërmarrës i punimeve për ngritjen e skenave festive, pasi gjatë punës është dëmtuar lehtë një punonjës. Po ashtu, një 17-vjeçar akuzohet për vjedhjen e një telefoni nga një 14-vjeçar, ndërsa një 16-vjeçar akuzohet për moskallëzim të ngjarjes. Vëllai i 17-vjeçarit, 28 vjeç, procedohet për deklarim të rremë para policisë.
Pogradec – Procedim penal për dy shtetas, 37 dhe 20 vjeç, pas një konflikti në ambientet e një lokali. Administratori i lokalit, 46 vjeç, u procedua për punësim të personave të paregjistruar në organet kompetente.
Devoll – Një 51-vjeçar nga Tirana u procedua për vetëgjyqësi, pasi dyshohet se ka zaptuar një sipërfaqe toke në pronësi të një 53-vjeçari në Bilisht.
Materialet i janë referuar Prokurorisë për veprime të mëtejshme.
