Fortat “Shqiponja” gjatë kontrollit në qytetin e Korçës kanë arrestuar një 46 vjeçar, pasi në kontrollin që i është bërë i është gjetur një mjet prerës, thikë.
Njoftimi i Policisë;
DVP Korçë/Vihet në pranga 1 shtetas për veprën penale të mbajtjes së armëve të ftohta
-Specialistët për Hetimin e Krimeve të Komisariatit të Policisë Korçë arrestuan në flagrancë shtetasin R. C., 46 vjeç, banues në Korçë, pasi në lagjen nr. 16, Korçë, gjatë kontrollit të ushtruar nga shërbimet e Forcës së Posaçme “Shqiponjat”, në automjetin tip “BMW” që drejtonte, iu gjet një mjet prerës (thikë), i cili u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.