Vitet e fundit në Korçë po vihet re një rritje e shpejtë e qirave të apartamenteve duke vënë në vështirësi familjet që jetojnë në to apo edhe mungesë në treg të apartamenteve të tilla.
Dy shihen si arsyet kryesore nga specialistët e fushës, së pari mungesa e apartamenteve stok dhe ndërtimeve të reja dhe rritja e kërkesës edhe për qira ditore nga vizitorët.
Duket se familjet korçare më shumë kanë interes t’i lëshojnë me qira ditore apartamentet pasi kanë edhe më tepër leverdi.
Por kjo situatë krijon probleme edhe për studentetët, pasi ashtu si edhe dihet Korça është qytet universitar dhe rritja e çmimit rëndon në xhepat studentorë.
Specialsitët thonë se qiraja mujore nis nga 150 mijë lekë të vjetra deri në 400 mijë lekë e nëse i krahason këto vlera me nivelin e pagave sigurisht që janë të vështira për t’u përballuar.
Këto ditë kur të gjithë studentët kërkojnë banesa me qira, nuk po gjejnë, e nga ana tjetër fenomen i tillë do të vazhdojë edhe më shumë sa kohë që ndërtimet e pallateve të reja në Korçë mungojnë.
