Dy shtetas nga qyteti i Korçës janë arrestuar në flagrancë pasi kanë qenë duke drejtuar automjetet në gjendje të dehur. Të arrestuarit kanë shkaktuar dëme materiale.
Njoftimi i policisë;
DVP Korçë/Vihen në pranga 2 shtetas për veprën penale të drejtimit të automjetit në gjendje të dehur
Specialistët e Trafikut Urban dhe Interurban të DVP Korçë arrestuan në flagrancë shtetasit:
M. P., 35 vjeç, banues në fshatin Çiflig, Korçë, pasi në lagjen nr.1, Korçë, duke drejtuar automjetin, ka përplasur një automjet tjetër, me pasojë vetëm dëme materiale. Pas kryerjes së testit të alkoolit, rezultoi se 35-vjeçari e drejtonte automjetin, në gjendje të dehur;
Po ashtu edhe shtetasi S. G., 28 vjeç, banues në Korçë, pasi u kap në lagjen nr. 5, Korçë, duke drejtuar automjetin, në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
