Dy persona janë arrestuar dhe një tjetër po ndiqet penalisht pasi janë kapur nga policia se drejtonin mjetet e tyre pa lejen e drejtimit.
Po ashtu një tjetër ka qenë edhe në gjendje të dehur dhe ka humbur kontrollin e automjetit duke plagosur pasagjerin që kishte në mjet.
Njoftimi i policisë;
DVP Korçë/Vihen në pranga 2 shtetas dhe procedohet në gjendje të lirë 1 tjetër për veprën penale të drejtimit të automjeteve pa leje drejtimi
Specialistët e Trafikut Urban dhe Interurban të DVP Korçë arrestuan në flagrancë shtetasit:
-A. Sh., 18 vjeç, banues në Korçë, pasi në lagjen nr. 6, Korçë, u kap duke drejtuar automjetin, pa leje drejtimi;
-T. N., 40 vjeç, banues në Korçë, pasi në lagjen nr. 10, duke drejtuar automjetin në gjendje të dehur, ka përplasur 2 automjete të parkuara, duke shkaktuar vetëm dëme materiale;
Po këta specialistë referuan materialet në Prokurori ku filloi procedimi penal në gjendje të lirë për një 15-vjeçar, banues në Korçë, pasi në rrugën “Korçë-Mborje”, pranë degëzimit për në Malin e Moravës, ky shtetas duke drejtuar automjetin pa leje drejtimi, dyshohet se ka humbur kontrollin e drejtimit të tij dhe automjeti ka dalë nga rruga. Për pasojë është dëmtuar një 13-vjeçar, pasagjer në mjet, i cili ndodhet për mjekim në spital.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
