Është arrestuar një 29 vjeçar nga fshati Vërdovë i Pogradecit pasi ka kryer marrëdhënie seksuale me një vajzë të mitur. Vajza është 12 vjeçe dhe në prani të prindërve dhe psikologëve ka deklaruar se ka 2 vite lidhje me 29 vjeçarin.
Njoftimi i Policisë;
DVP Korçë/Vihen në pranga 1 shtetas për veprën penale të kryerjes së marrëdhënieve seksuale me të mitur.
-Specialistët për Hetimin e Krimeve të Komisariatit të Policisë Pogradec ndaluan me iniciativë shtetasin K. T., 29 vjeç, banues në fshatin Vërdovë, Pogradec, pasi dyshohet se ka kryer marrëdhënie seksuale me një të mitur 12-vjeçare, e cila në prani të prindërve të saj dhe psikologëve ka deklaruar se ka një lidhje 2-vjeçare me shtetasin K. T.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
