Të dashur demokratë, të dashur qytetarë të Korçës!
Primaret e Partisë Demokratike janë më shumë se një garë – ato janë një mundësi për të zgjedhur përfaqësuesit e duhur për të ardhmen e Korçës dhe të Shqipërisë.
Sot, unë paraqitem përpara jush me një qëllim të qartë: të sjell një frymë të re, energji dhe vizion për qytetin tonë. Jo thjesht si një kandidat, por si një njeri që beson në ndryshimin e vërtetë!
Unë vij në këtë garë si një profesionist me përvojë, si një avokat dhe si një këshilltar i Këshillit Bashkiak, ku kam treguar përkushtim dhe integritet. Por mbi të gjitha, vij si një qytetar i Korçës, si një bir i këtij qyteti që e do dhe e respekton traditën, por që kërkon një të ardhme më të mirë për të gjithë.
Unë besoj se politika ka nevojë për njerëz të rinj, të pakonsumuar, me vizion të qartë dhe me vullnet për të vepruar. E di që shumë prej jush kërkojnë një zë të ri, një përfaqësim dinjitoz dhe një përkushtim të palëkundur për interesat e qytetit tonë.
Dhe unë jam këtu për ta bërë këtë realitet!
Unë vij nga një familje që më ka mësuar vlerat e qytetarisë, të ndershmërisë dhe të punës së palodhur. Këto janë vlerat që më frymëzojnë dhe që dua t’i sjell në politikë.
Por kjo garë nuk është vetëm për mua.
Kjo është për ne, për ju!
Unë besoj se së bashku mund të ndërtojmë një Korçë më të fortë, një politikë më të ndershme dhe një të ardhme më të sigurt për të gjithë.
Ndaj, sot ju ftoj të bëhemi bashkë! Me vendosmëri, me guxim dhe me besim, ne do ta fitojmë këtë sfidë!
Është rradha jonë!
Është rradha e të rinjve!
Është rradha e Partisë Demokratike!
