Burime zyrtare bëjnë me dije se gjatë 24 orëve të fundit, nga Greqia drejt Shqipërisë kanë hyrë 4 808 shtetas, kryesisht emigrantë shqiptarë që jetojnë dhe punojnë në vendin fqinj, ndërsa nga territori shqiptar kanë dalë 2 431 shtetas.
Për menaxhimin e fluksit në rritje, Policia Kufitare po punon me katër sportele në hyrje dhe tre sportele në dalje, përfshirë edhe korsinë e dedikuar për mjetet e rënda dhe autobusët.
Situatë e ngjashme paraqitet edhe në Pikën e Kalimit Kufitar të Qafë Thanës, ku qarkullimi vijon të jetë i lartë në të dyja drejtimet. Gjatë 24 orëve të fundit, në këtë pikë kanë hyrë 3 260 shtetas dhe kanë dalë 3 177.
Autoritetet kufitare bëjnë me dije se në hyrje po operohet me katër sportele, me qëllim shmangien e radhëve dhe përshpejtimin e procedurave për udhëtarët.
