La emigrimin për Voskopojën, gurëgëdhëndesi tregon vështirësitë e profesionit në zhdukje
Ky është Mihal Bebri i cili për 20 vite jetoi e punoi në shtetin grek, ndërkohë që vitet e fundit vendosi të rikthehet në tokën mëmë, për të zhvilluar profesionin e tij në fshatin e tij të lindjes, në Voskopojë.
Skalitjen e gurit e mësoi në emigrim dhe së fundmi ka hapur punishten e tij në fshatin e gurtë. Mihali tregon se ky zanat nuk vlerësohet aq sa duhet në Shqipëri.
“Jo aq sa duhet, mos them fare, por jo aq sa duhet. Është profesion i rëndë nuk është i lehtë. Të haesh me gurin do të thotë të kesh edhe nerva të forta.
Nuk vlerësohet. Në qoftë se këtu e merr 100 mije lek ne vend tjetër, afër me Greqinë e merr 1000 euro, është diferencë e madhe, 0 nga mbrapa“- shprehet Mihali.
Edhe pse profesion i vështirë, Mihali e skalit gurin me pasion e dëshirë, duke dashur tja trashëgojë dhe fëmijëve të tij.
“Është shumë punë e rëndë, shumë e vështirë, por po ta dashurosh punën do e besh. Po ta dashurosh punën, do e bësh. Nuk kënaqesh nga vlera monetare më shumë nga puna që del. Sigurisht që dua tua le të tjerëve se është në zhdukje ky profesion“.
Por sa e mundshme është që Mihali t’i rikthehet emigrimit e të braktisë përsëri vendlindjen?
Voskopoja është një nga fshatrat karakteristikë të shtëpive të ndërtuara me gur, e pëlqyer nga mijëra turistë që e vizitojnë fshatin e njohur turistik
