Një aksident i rëndë ka ndodhur në Greqi ku kanë humbur jetën 5 shqiptarë.
Mediat greke bëjnë më dije se aksidenti ka ndodhur në zonën e Edessas, ku makina me të cilën udhëtonin shqiptarët u përplas me një kamion. Përplasja ka qenë e fortë duke u marr jetën 5 shqiptarëve, teksa pamjet tregojnë edhe makinën pothuajse të shkatërruar.
Policia greke ka reaguar mbi aksidentin tragjik në Edessa. Aksidenti ndodhi përgjatë aksit Follorinë-Selanik, ku një automjet me targa shqiptare u përplas në mënyrë ballore me një kamion.
Policia nuk ka dhënë detaje mbi identitetin e viktimave. Ja çfarë ka deklaruar Policia Greke;
“Sot, më 18.07.2023, rreth orës 17:50, në unazën e Edessë-s, automjeti në të cilin ndodheshin 5 persona (shoferi dhe 4 pasagjerë), është përplasur me një kamion, i drejtuar nga një shtetas i zonës. Për pasojë ka mbetur i plagosur drejtuesi i kamionit dhe kanë vdekur 5 personat që ndodheshin në veturë.
Nga ana e Departamentit të Qarkullimit në Edessës po kryhen hetimet paraprake për zbardhjen e plotë të shkaqeve të aksidentit”, thekson policia.
