Një aksident me pasojë vdekje ka ndodhur pak më parë në aksin Korçë-Bilisht pranë fshatit Zëmblak. Paraprakisht mësohet se mjeti ka përplasur një këmbësore vajzë e cila ka ndërruar jetë në vend. Policia ka mbërritur në vendngjarje.
Maliq/Informacion paraprak
Më datë 31.10.2023, rreth orës 11:00, në aksin rrugor “Korçë-Bilisht”, pranë kryqëzimit të fshatit Zëmblak, Maliq, automjeti tip “Opel” me drejtues shtetasin I. K., ka përplasur një shtetase 14-vjeçare, këmbësore në rrugë, e cila për pasojë ka humbur jetën.
Më drejtuesin e automjetit po kryhen veprimet e mëtejshme procedurale.
Grupi hetimor po punon për sqarimin e rrethanave të aksidentit.
