Zjarr i madh në një banesë në Pogradec, evakuohen banorët për shkak të rrezikut
Një zjarr masiv ka përfshirë një banesë në lagjen nr. 4 të qytetit të Pogradecit, duke vënë në rrezik edhe banesa të tjera përreth. Flakët janë shumë të mëdha dhe po përhapen me shpejtësi, duke krijuar një situatë kritike në këtë zonë me banesa kolektive.
Policia ka nisur evakuimin e banorëve për të shmangur çdo rrezik për jetën e tyre, ndërsa ekipet zjarrfikëse po punojnë pa ndërprerje për izolimin dhe shuarjen e zjarrit. Familjarët e banesës ku shpërthyen flakët fillimisht kanë arritur të dalin në kohë dhe ndodhen jashtë rrezikut.
Autoritetet bëjnë thirrje për kujdes dhe shmangien e qasjes në zonën e prekur, ndërsa hetimet për shkaqet e zjarrit pritet të nisin pas stabilizimit të situatës.
