Gjykata shpall të pafajshëm ish-kryetarin e Bashkisë Pogradec Eduart Kapri. Avokati Sokol Hazizaj bindi gjykatën në pafajësine e klientit të tij.
Struktura e Posaçme kundër Korrupsionit dhe Krimit të Organizuar (SPAK) dërgoi në Gjykatën e Posaçme dosjen për ish-kryebashkiakun e Pogradecit, Eduart Kapri, dhe për 5 punonjës të tjerë të Bashkisë.
Gurali Blaceri, ish-punëtor mirëmbajtës në Dr. Arsimore Pogradec, Safet Blaceri, ish-punëtor mirëmbajtës në Dr. Arsimore Pogradec, Avdulla Canon, ish-Zv.Kryetar i Bashkisë Pogradec, Enkeleida Kllomollari, ish-Dr. e Qendrës Arsimore në Pogradec dhe Nexhmi Torrën, me ish-koordinator i Nj. Adm. pranë Bashkisë Pogradec, akuzoheshin për shkelje të barazisë në tendera, si dhe për shpërdorim detyre.
AKUZAT:
SPAK i akuzonte të pandehurit për dy episode, i pari lidhej me një tender për blerjen e druve me vlerë afro 9 milionë lekë të reja, ndërsa akuza e dytë ishte ajo e pengimit të procesit zgjedhor në vitin 2019, pasi u kishin vënë kyçin tre shkollave që do të shërbenin dhe si qendra votimi.
Sipas SPAK, Eduart Kapri në bashkëpunim me anëtarët e Komisionit të Vlerësimit të Ofertave, Enkeleida Kllomollari, Nexhmi Torro dhe Avdulla Cano, kishin kryer veprime që kualifikoheshin në veprën penale të “Shkeljes së barazisë së pjesëmarrësve në tendera ose ankande publike”.
Fakti i dytë penal kishte lidhje me ngjarjen e datës 28.06.2019, ku ishin arrestuar Gurali dhe Safet Blaceri, duke u vënë drynin dy shkollave dhe një kopshti, institucione këto që ndodheshin në lagjet nr.2 dhe 5 të qytetit të Pogradecit, të cilat ishin miratuar si qendra votimi nga Komisioni Qëndror i Zgjedhjeve për zgjedhjet vendore të datës 30.06.2019.
Sipas SPAK, Eduart Kapri, në bashkëpunim me Safet Blaceri dhe Gurali Blaceri, me detyrë mirëmbajtës në Qendrën Arsimore, kishin bërë tentativa për të penguar procesin zgjedhor që do të zhvillohej në datë 30.6.2019.
